Davydenko missir af opna ástralska

Nikolay Davydenko missir af opna ástralska meistaramótinu í tennis vegna meiðsla á hæl.

Davydenko er á fimmta sæti heimslista alþjóða tennissambandsins en honum hefur þó aldrei tekist að komast í úrslitaviðureign á slemmumóti á sínum ferli.

Davydenko átti að leika í dag á æfingamóti í Indlandi í dag en varð að hætta við þegar meiðslin tóku sig upp.

Hann komst í úrslit Masters-mótsins í nóvember síðstliðnum eftir að hann vann Skotann Andy Murray í undanúrslitum. Hann þótti vera meðal þeirra sigurstranglegustu fyrir mótið í Ástralíu.