Colts tveim sigrum frá fullkomnu tímabili

Peyton Manning sá til þess að Indianapolis Colts er enn taplaust í NFL-deildinni. Liðið komst í 14-0 með 35-31 sigri á Jacksonville Jaguars. Colts lengi undir en Manning leiddi enn eina endurkomuna í vetur.

Aðeins tveir leikir eru eftir af deildarkeppninni og ekki er talið að Colts muni hvíla lykilmenn þó svo liðið sé komið með heimavallarrétt í úrslitakeppninni.

Árin 2005 og 2007 hvíldi Colts lykilmenn fyrir úrslitakeppninni en tapaði síðan fyrsta leik sínum í úrslitakeppninni.