Debenhams opnar verslun í Víetnam

Rob Templeman forstjóri Debenhams segir í samtali við breska blaðið The Sun að opnun verslunarinnar sé stórt tækifæri fyrir Debenhams. „Það eru 16 milljón manns í næsta nágrenni við verslunina," segir Templeman.

Debenhams rekur þegar verslanir í 17 löndum utan Bretlands þar á meðal í Íran.

Baugur átti áður 13% hlut í Debenhams. Sá hlutur komst í eigu HSBC bankans s.l. vetur eftir gjaldþrot Baugs og seldi bankinn hlutinn með miklu tapi í apríl s.l.

Solstra Holding seldi Debenhams nýlega reksturinn í dönsku stórversluninni Magasin du Nord en Solstra Holding er að helmingi í eigu Straums og að helmingi í eigu pakistanska fjárfestirins Alshair Fiyaz sem keypti sig inn í félagið í ágúst s.l.