Roach: Khan er tilbúinn í bardagann

Hnefaleikaþjálfarinn Freddie Roach er sannfærður um að skjólstæðingur sinn Amir Khan sé tilbúinn fyrir WBA-titilbardagann í léttveltivigt gegn ríkjandi meistaranum Andreas Kotelnik.

Bardaginn fer fram 18. júlíu og Bretinn Khan er búinn að vera stórorður í fjölmiðlum en Roach tekur undir orð hans.

„Khan er í hundrað prósent góðu líkamlegu ásigkomulagi núna og er tilbúinn í bardagann. Til þess að gera hann klárann fyrir þennan þyngdarflokk léttum við efri hluta líkama hans örlítið á æfingartímanum og styrktum lappirnar meira í staðinn og hann er ógurlega hraður núna. Hraðinn drepur eins og þið vitið," segir Roach í samtali við Sky Sports fréttastofuna.