Iniesta: Allir hér vilja fá Fabregas

„Við viljum ólmir fá hann. Hann myndi gera mikið fyrir liðið," segir Andrés Iniesta, leikmaður Barcelona. Hann er sá nýjasti til að taka þátt í samráðinu í að reyna að fá Cesc Fabregas til liðsins.

Allir virðast taka höndum saman í Katalóníu til að það verði að veruleika að Fabregas klæðist búningi Barcelona. Hrifning Arsene Wenger er lítil og hefur hann biðlað til Fabregas að stíga fram og sýna Arsenal tryggð sína.

„Hann er leikmaður Arsenal og félögin tvö þurfa að ná samkomulagi til að þetta geti gerst. En allir hér vona innilega að það leysist," segir Iniesta.