Oozthuizen: Spilaði vel allan tímann

„Þetta var ótrúlegt og eftir fyrstu tólf holurnar var þetta mjög erfitt," sagði Oosthuizen eftir sigurinn á Opna breska meistaramótinu í golfi í dag.

Fjölskylda og vinir fögnuðu vel og innilega með tárin í augunum en hann virtist taka þessu öllu með ró.

„Þetta tekur örugglega á mig á morgun og þá fer ég að átta mig á þessu. Ég spilaði vel allan tímann en hefði viljað sleppa við að lenda í glompu," sagði Oosthuizen sem lenti í glompu á fjórtándu braut en aðeins Tiger Woods hefur afrekað það að leika heilt mót á St. Andrews án þess að lenda í glompu.