Bos sér ekki tilgang með sáttasemjara í Icesavemálinu

Wouter Bos fjármálaráðherra Hollands segir að hann sjá ekki tilgang með því að skipa sáttasemjara í Icesave málinu.

Þetta kemur fram í frétt á Reuters þar sem segir að Hollendingar sjái ekki tilganginn með sáttasemjara. „Ég er alltaf tilbúinn að hlusta," segir Bos en orðin lét hann falla á fundi með erlendum blaðamönnum í Haag í dag. „Sáttagjörð er ég ekki viss um. Ég sé ekki að slíkt bæti neinu við í málinu."

Fram kom í máli Bos að hann væri opinn fyrir beinum viðræðum við íslenska embættismenn og raunar stæði hann reglulega í slíkum viðræðum. Hinsvegar myndi sáttasemjari ekki leysa neitt áður en þjóðaratkvæðagreiðslan yrði haldin á Íslandi þann 6. Mars n.k.