Allan Borgvardt kemur ekki til Íslands í sumar

Allan Borgvardt kemur ekki til Íslands í sumar eins og leit jafnvel út fyrir um tíma því Daninn snjalli hefur samið við norska b-deildarliðið Sandnes Ulf. Þetta kemur fram í frétt á vefmiðlinum fotbolti.net.

Allan Borgvardt hefur leikið með Bryne í Noregi síðustu ár en hann hætti hjá félaginu fyrir stuttu og var í framhaldinu að leita sér að nýju félagi. Hann fékk síðan tveggja ára samning hjá Sandnes Ulf

Borgvardt stóð sig frábærlega með FH frá 2003 til 2005 og liðið vann meðal annars 18 síðustu deildarleikin asem hann spilaði. Hann skoraði alls 29 mörk í 43 deildarleikjum með Hafnarfjarðarliðinu frá 2003 til 2005.