Liverpool mætir Benfica í Evrópudeildinni

Dregið var í átta liða úrslit Evrópudeildarinnar í hádeginu. Liverpool mætir Benfica frá Portúgal.

Einnig var dregið í undanúrslitin og ef Liverpool leggur Benfica mun liðið mæta sigurvegurunum úr Spánar-rimmu Valencia og Atletico Madrid.

Fulham fær þýska liðið Wolfsburg í átta liða úrslitunum og sigurvegarann í viðureign Hamburger og Standard ef liðið kemst áfram.

Fyrri leikirnir í átta liða úrslitunum verða 1. apríl og seinni leikirnir viku síðar.

Átta liða úrslit:

Fulham - Wolfsburg

Hamburger - Standard Liege

Valencia - Atletico Madrid

Benfica - Liverpool

Undanúrslit:

Hamburger/Standard - Fulham/Wolfsburg

Valencia/Atletico - Benfica - Liverpool