Formúla 1 í Rússlandi frá 2014-2020

Forsætisráðherra Rússlands, Vladimir Putin segir að búið sé að semja við Bernie Ecclestone um Formúlu 1 mótshald í Rússlandi frá 2014-2020. Mótið verður við ferðamannabæinn Sochi við Svarta hafið.

Fyrsta mótið verður 2014, á sama ári og vertrarolympíuleikarnir fara fram í borginni Socchi.

"Við höfum náð samkomulagi við eigendur Formúlu 1 að Socchi verði mótshaldari fyrir rússneska Formúlu 1 mótið (Grand Prix) frá 2014 til 2020", sagði Putin um málið í frétt á bbc.co.uk.

Áður hafði Ecclestone reynt að fá mótshald í Moskvu og Sankti Pétursborg, en þær hugmyndir gengu ekki eftir. Einn Rússi er í Formúlu 1 og það er Vitaly Petrov hjá Renault.

Staða hans fyrir næsta ár er óljós, en hann hefur ekki náð eftirtektarverðum árangri enn sem komið er, en rússnesk fyrirtæki auglýsa hjá Renault.

Putin hittir Ecclestone að máli á næstunni vegna Formúlu 1 málsins, en Bretinn hefur farið víða í samningamálum vegna Formúlu 1.

Um aðra helgi verður keppt í Suður Kóreu í fyrsta skipti (sjá brautina) og á næsta ári verður keppt í Indlandi í fyrsta skipti, á braut í við Nýju Dehli. Þá verður keppt í Austin í Texas í Bandaríkjunum í fyrsta skipti árið 2012.

Líklegt er að 20 móta hámark verði á Formúlu 1 mótum á ári hverju, en 20 mót eru á dagskrá 2011 og ljóst að einhver mót munu því detta útaf sakramentinu á næsta ári.