Hollywood draumum Kaupþings og Candy-bræðra lokið

Verkið stóð tæpt í október 2008 þegar Credit Suisse gjaldfelldi 350 milljón dollara lán til Lotus en Kaupþing átti að greiða 60% af láninu. Credit Suisse seld síðan þetta lán til fimm annarra banka þeirra á meðal mexíkanska bankans Banco Inbursa.

Í sumar höfðaði svo Banco Inbursa mál gegn CPC Group Limited eignarhaldsfélagi Candy-bræðranna á Guernsey og dómur er fallinn í því samkvæmt frétt í blaðinu The Beverly Hills Courier. Lotus-verkefnið fer nú á opinbert uppboð.

Það var árið 2007 sem Kaupþing keypti, ásamt Candy-bræðrunum, stóra lóð undir byggingu Lotus í Beverly Hills fyrir 500 milljónir dollara eða sem svarar um 64 milljörðum kr. Ennfremur var Kaupþing stærsti fjármögunaraðili þeirra bræðra og viðskiptafélaga þeirra Richard Caring við byggingu fyrrgreindra íbúða.

Fjallað var um málið í The Wall Street Journal þegar Credit Suisse gjaldfelldi lán sitt. Segði þar að nær vonlaust hafi verið fyrir Candy-bræðurnar að fá áframhaldandi fjármögun fyrir Lotus sökum þess hve fasteignamarkaðurinn í Bandaríkjunum var í mikilli lægð.