Viðskipti erlent

Methagnaður hjá Warren Buffett

Ofurfjárfestirinn Warren Buffett tilkynnti um helgina að fjárfestingarfélag hans, Berkshire Hathaway, hefði skilað methagnaði á síðasta ári. Alls nam hagnaðurinn 21,8 milljörðum dollara eða tæplega 2.800 milljörðum kr.

Í frétt um málið á börsen.dk segir að þetta þýði að innra virði A og B hlutabréfa Berkshire Hathaway hafi aukist um 19,8%. Til samanburðar rýrnaði innra virðið um 9,6% á árinu 2008 þegar félagið skilaði umtalsverðu tapi í fyrsta sinn í sögu þess.

Frá því að Berkshire Hathaway var stofnað fyrir 44 árum síðan hefur það skilað hluthöfum sínum árlegum hagnaði sem nemur að jafnaði 20,3% á ári. Til samanburðar má nefna að S&P 500 vísitalanm hefur vaxið um 9,% árlega að jafnaði á sama tímabili.





Mest lesið


Fleiri fréttir

Sjá meira


×

Mest lesið