AC Milan staðfestir áhuga á Zlatan

AC Milan útilokar ekki að kaupa Zlatan Ibrahimovic í sumar. Barcelona gæti vel selt hann, en aðeins fyrir ansi háa upphæð.

Zlatan kom til Barcelona frá Milanó en þar spilaði hann þó með Inter.

Ariedo Braida, stjórnarformaður, sagði við ítalska fjölmiðla að það yrði erfitt að kaupa Zlatan en ekki ómögulegt.

"Þetta veltur ekki bara á okkur, heldur líka Barcelona og leikmanninum," sagði hann og staðfesti þar með áhuga AC Milan.

Zlatan ku vera ósáttur eftir komu David Villa en Braida sagði að vandamálið væri að Mian væri með of marga framherja.

Klaas Jan Huntelaar er þó á sölulista en Braida sagðist þekkja Zlatan vel og að það gæti orðið af kaupunum í sumar.