Seinni hring dagsins á Fitness Sportmótinu frestað

Það hefur orðið breyting á Fitness Sportmótinu sem er annað mótið á Eimskipsmótaröðinni í golfi en spilað er á Leirdalsvelli hjá Golfklúbbi Kópavogs og Garðabæjar. Mótstjórn hefur ákveðið að fresta seinni hring dagsins vegna veðurs.

Keppendur hafa spilað 18 holur á Fitness Sportmótinu en gert var ráð fyrir að spila 36 holur í dag og 18 á morgun. Þessu hefur verið snúið við og verða því 18 holur spilaðar í dag og 36 á morgun.

Það er leiðinlegt veður á höfuðborgarsvæðinu, mikið rok og rigning og því eru menn að vonast til að það verði betri aðstæður til golfleiks á morgun.

Ræst verður út á morgun frá 6:30 og verður raðað út eftir skori sömu ráshópar munu svo spila lokahringinn eftir hádegi á morgun.