Íslenskt tóbaksbann í uppnámi ef norskt dómsmál vinnst

Svo gæti farið að íslensk stjórnvöld verði að afnema löggjöf frá árinu 2001 um bann við því að hafa tóbaksvörur sýnilegar í verslunum og sjoppum.

Bandaríski tóbaksrisinn Philip Morris lagði í dag fram stefnu gegn norskum stjórnvöldum við héraðsdómstól í Osló. Krafan er að norsk löggjöf um bann við að tóbak sé sýnilegt á sölustöðum verði numin úr gildi.

Bandaríski tóbaksrisinn Philip Morris, sem m.a. framleiðir Marlboro sígarettur, mun nota íslensk rök í málsókn sinni.

Þessi löggjöf tók gildi um síðustu áramót í Noregi. Samkvæmt frétt í Jyllands-Posten ætlar Philip Morris að nota reynsluna af svipaðri löggjöf á Íslandi sem tók gildi árið 2001 sem rök í málsókn sinni eins og fram kom í frétt hér á síðunni í morgun.

Málið gæti orðið hið fyrsta í langri lagalegri þróun sem á endanum hefði ekki aðeins áhrif í Noregi heldur einnig ESB löndunum ásamt Íslandi og Liechtenstein.

Fram kemur í Jyllands-Posten að Philip Morris vonar að norski dómstóllinn vísi málinu beint til EFTA dómstólsins. Lögsaga þess dómstóls nær yfir Noreg, Ísland, Sviss og Liechtenstein.