Þjálfari Schalke biður Raul afsökunar

Spænski framherjinn Raul er aðalstjarna þýska liðsins Schalke. Það kristallast í því að þjálfari liðsins, Felix Magath, hefur beðið leikmanninn afsökunar á því hversu illa liðinu hefur gengið í upphafi leiktíðar.

Schalke hefur aldrei í sögu félagsins byrjað eins illa og í vetur og þegar er farið að hitna undir Magath.

"Við erum ekki að komast nógu oft inn í vítateig andstæðinganna. Við erum einfaldlega ekki að komast nógu mikið fram völlinn. Fyrirgefðu, Raul," sagði Magath en þessi afsökunarbeiðni er ein sú allra sérstakasta sem heyrt hefur.