Real Madrid vill fá Khedira

Þýski miðjumaðurinn Sami Khedira vakti mikla athygli fyrir vasklega framgöngu á HM og það hefur nú skilað sér í því að stórliðið Real Madrid er á eftir leikmanninum sem spilar með Stuttgart.

Hermt er að Madrid hafi sett hann á varalistann sinn fari svo að félagið nái ekki að kaupa Steven Gerrard frá Liverpool. Madrid gæti reyndar keypt báða leikmenn og hefur þegar lagt inn á tilboð upp á 8 milljónir evra í Khedira að því er Marca segir.

Það tilboð er aftur á móti lélegt og Madrid þarf örugglega að bjóða helmingi meira í leikmanninn ætli það sér að fá hann.

Samningur Khedira við Stuttgart rennur út næsta sumar þannig að félagið gæri neyðst til þess að selja núna ætli það sér ekki að missa hann frítt frá félaginu.