Eyjólfur tryggði GAIS mikilvægan sigur á Häcken í kvöld

Eyjólfur Héðinsson skoraði sigurmark GAIS tíu mínútum fyrir leikslok þegar liðið vann 2-1 heimasigur á Häcken í sænsku úrvalsdeildinni í fótbolta í kvöld. Sigurinn var mjög mikilvægur fyrir GAIS sem var aðeins einu stigi frá öruggi sæti fyrir leikinn.

Eyjólfur spilaði allan leikinn á vinstri vængnum en með honum á miðjunni var einnig landi hans Hallgrímur Jónasson.

Eyjólfur er búinn að skora fjögur mörk í sænsku úrvalsdeildinni á þessu tímabili og er orðinn einn af markahæstu leikmönnum liðsins.

GAIS-liðið er í 11.sæti deildarinnar með 29 stig út úr 25 leikjum. Häcken er einu sæti ofar og með einu stig meira en GAIS.