Massa: Mjög einbeittur fyrir tímabilið

Felipe Massa segist mjög áræðinn fyrir komandi tímabil í Formúlu 1 sem hefst um helgina.

"Ég er mjög ánægður og einbeittur fyrir upphaf tímabilsins og að byrja betur en í fyrra. Það var ekki gott ár, en við virðumst í betri málum í ár með betri bíl og áreiðanlegan", sagði Massa.

"Mitt markmið er að ná eins mörgum stigum og mögulegt er. Jafnvel þó við eigum ekki möguleika á sigri. Það verður mikilvægt að byrja tímabilið á réttum nótum.

"Við erum með báða fætur á jörðinni og mótaröðin verður krefjandi. Það eru margir góðir bílar og góðir ökumenn."