Reykingar kosta Dani minnst 94 milljarða árlega

Reykingar kosta danskt samfélag að minnsta kosti 3,5 milljarða danskra króna árlega og 149 þúsund innlagnir á spítala. Upphæðin samsvarar 94 milljörðum íslenskra króna. Talið er að upphæðin geti farið upp í 500 milljarða íslenskra króna á ári. Jafnframt kosta reykingar Dani um 2,8 milljónir veikindadaga aukalega um árið.

Þetta kemur fram í svari Bertel Haarder, heilbrigðisráðherra Danmerkur, í svari til heilbrigðisnefndar danska þingsins. Að auki bætast við önnur útgjöld, meðal annars vegna greiðslna til starfandi lækna. Talið er að tekjur ríkisins af tóbaki nemi um 6,5 milljörðum danskra króna, eða 156 milljörðum íslenskra króna.

Talsmaður sósíaldemókrata í skattamálum, Nick Hækkerup, segir að, bæði út frá sjónarmiðum lýðheilsu og heilsuhagfræði, bendi tölurnar til þess að nauðsynlegt sé að auka opinberar álögur á tóbak.

Það var danski vefurinn epn.dk sem greindi frá.