Alonso: Fjögurra liða slagur framundan

Spánverjinn Fernando Alonso sem vann fyrsta Formúlu 1 mót ársins telur að fjögur lið verði í slagnum um sigur í Ástrralíu um helgina. Hann vann fyrsta mót ársins og ræddi málin á vefsíðu sinni. "Sigurinn í Sakhir (Barein) færði okkur sjálfstraust og eru frábær úrslit fyrir alla vinnuna í vetur, en við getum ekki tekið neinu sem sjálfsögðum hlut. Við verðum að hafa báða fætur á jörðinni, halda ró okkar og einbeitingu" sagði Alonso. "Í Melbourne byrjum við á núllpunkti og það eru fjögur lið og átta ökumenn sem geta barist um sigur. Við verðum að gefa allt okkar í þetta til að vera framar." Liðin eru í hans huga væntanlega Ferrari, Red Bull, McLaren og Mercedes. "Það voru margir okkar yfirlýsingarglaðir eftir mótið í Barein, en þó mótið hafi ekki verið neitt sérstaklega stórfenglegt, þá var þetta spennandi hjá okkur Ferrari mönnum. Það er of snemmt að tala um að breyta reglunum", sagði Alonso. Sumir ökumenn vilja meina að nýju keppnisreglurnar séu ekki að virka sem skyldi.