Heynckes tekur við Bayern í þriðja skiptið á ferlinum

FC Bayern staðfesti í dag að Jupp Heynckes muni taka við liðinu næsta sumar. Þessi ráðning hefur legið í loftinu í nokkurn tíma.

Heynckes tekur við starfinu af Hollendingnum Louis Van Gaal sem hverfur á braut í sumar. Það var tilkynnt fyrir nokkrum vikum síðan.

Heynckes er þjálfari Bayer Leverkusen sem stendur en færir sig um set í sumar. Hann mun skrifa undir tveggja ára samning við Bayern.

Þetta verður í þriðja skiptið á þjálfaraferli Heynckes sem hann stýrir liðinu. Hann var þjálfari liðsins á árunum 1987 til 1991 og svo aftur árið 2009.