Pálmi Rafn tryggði Stabæk sigur eftir sendingu frá Veigari Páli

Góð samvinna Íslendinganna Pálma Rafns Pálmasonar og Veigars Páls Gunnarssonar tryggðu Stabæk 3-2 útisigur á Odd Grenland í norsku úrvalsdeildinni í fótbolta í kvöld. Pálmi Rafn skoraði sigurmarkið á 89. mínútu eftir sendingu frá Veigari Páli.

Þetta leit þó ekki vel út í hálfleik þegar Odd Grenland var 2-0 yfir í leiknum. Veigar Páll minnkaði muninn úr víti á 78. mínútu, Jörgen Hammer jafnaði leikinn á 86. mínútu og Pálmi Rafn skoraði síðan sigurmarkið í lokin.

Veigar Páll og Pálmi Rafn spiluði allan leikinn fyrir Stabæk en Bjarni Ólafur Eiríksson fór útaf á 85. mínútu.

Stefán Logi Magnússon og Björn Bergmann Sigurðarson léku allan leikinn með Lilleström sem tapaði 2-0 á útivelli á móti Sogndal.

Birkir Már Sævarsson lék allan leikinn með Brann sem tapaði 1-0 á útivelli á móti Strömsgodset.

Birkir Bjarnason lék allan leikinn með Viking sem tapaði 3-1 á útivelli á móti Trömsö. Indriði Sigrðsson fór útaf á 58. mínútu.