Tvö mörk frá Birni dugðu ekki til sigurs

Framherjinn Björn Bergmann Sigurðarson skoraði tvö mörk fyrir Lilleström í kvöld er það mætti Rosenborg í sextán liða úrslitum bikarkeppninnar. Mörkin dugðu þó ekki til því Rosenborg hafði betur eftir vítaspyrnukeppni.

Stefán Logi Magnússon og Stefán Gíslason spiluðu einnig allan leikinn fyrir Lilleström. Stefán Logi náði ekki að verja víti í vítaspyrnukeppninni.

Indriði Sigurðsson og Birkir Bjarnason léku síðan allan leikinn fyrir Viking sem lagði Haugesund, 3-2, eftir framlengingu.

Brann komst áfram eftir sigur í vítaspyrnukeppni gegn Sogndal. Birkir Már Sævarsson lék allan leikinn fyrir Brann.

Kristján Örn Sigurðsson og félagar í Hönefoss töpuðu síðan gegn Molde, 3-1.