Handrit eftir Jane Austen seldist á 188 milljónir

Fágætt handrit eftir enska rithöfundinn Jane Austen seldist á uppboði hjá Sotheby´s í London fyrir rétt tæp milljón pund eða um 188 milljónir kr. Þessi upphæð var meir en þrefalt matsverð handritsins fyrir uppboðið.

Handritið er að áfrágenginni sögu Austen sem ber heitið The Watsons. Það var í einkaeigu en samkvæmt frétt á BBC var það stofnun sem keypti það á uppboðinu. Talið er að Austen hafi skrifað þetta handrit árið 1804 en það fjallar um unga stúlku sem flytur heim til föður síns eftir að hafa verið alin upp af efnaðri frænku sinni.

Handritið er fágætt af því að aðeins tvö önnur ófrágengin handrit eru til eftir Jane Austen svo vitað sé.

Jane Austen er í hópi þekktustu rithöfund Englands en hún gaf út sex skáldsögur á ferli sínum, þar á meðal Pride and Prejudice eða Hroki og hleypidómar. Austen lést árið 1817 aðeins 41 árs gömul.