Verðbólgan á evrusvæðinu er 2,5%

Verðbólgan á evrusvæðinu mældist 2,5% í júlí síðastliðnum samkvæmt samræmdu vísitölu neysluverðs sem Eurostat birti í gær. Sé miðað við Evrópska efnahagssvæðið (EES) í heild mældist verðbólgan að jafnaði nokkuð meiri, eða 2,9%. Dregur því áfram úr tólf mánaða taktinum milli mánaða en í júní mældist verðbólgan á evrusvæðinu 2,7% en á EES 3,1%.

Fjallað er um málið í Morgunkorni greiningar Íslandsbanka. Þar segir að ekki sé sömu sögu að segja með þróun verðbólgunnar hér á landi sem hefur aukist nær stöðug á milli mánaða það sem af er ári. Nú í júlí mældist verðbólgan á þennan kvarða 5,2% og eykst því töluvert frá því í júní en þá mældist hún 4,8%.

Verðbólgan hér á landi er enn á ný orðin meiri en í öðrum löndum Evrópu og í raun mældist hún hærri í aðeins einu öðru landi innan EES í júlímánuði en það var á Eistlandi þar sem verðbólgan var 5,3%.