Eggert lék allan leikinn í markalausu jafntefli á White Hart Lane

Tottenham varð fjórða enska félagið til að komast áfram í riðlakeppni Evrópudeildarinnar í kvöld eftir að liðið gerði markalaust jafntefli við Hearts á White Hart Lane. Tottenham lagði gruninn í fyrri leiknum þar sem liðið vann 5-0 sigur á heimavelli Hearts.

Eggert Gunnþór Jónsson lék allan leikinn á miðju Hearts en hann var ekki með í fyrri leiknum í síðustu viku.

Harry Kane, leikmaður Tottenham, fékk kjörið tækifæri til að skora í fyrri hálfleik þegar hann fiskaði vítaspyrnu en Jamie McDonald markvörður Hearts, varði spyrnuna frá honum. Kane er aðeins 18 ára gamall og var að spila sinn fyrsta leik fyrir Spurs.