Lewis fær að bjóða sig fram eftir allt saman

Hinn nífaldi Ólympíumeistari, Carl Lewis, hefur unnið enn einn sigurinn á sínum ferli því hann fær að bjóða sig fram til öldungadeildar New Jersey-fylkis.

Lewis var upphaflega meinað að bjóða sig fram þar sem hann hafði ekki greitt fulla skatta í ríkinu í fjögur ár þó svo hann hafi átti heimili þar frá 2005. Lewis hefur einnig verið búsettur í Kaliforníu.

Lewis áfrýjaði þessari ákvörðun og áfrýjunin skilaði tilætluðum árangri. Lewis mun því að öllu óbreyttu bjóða sig fram fyrir Demókrataflokkinn og eru miklar vonir bundnar við framboð hans.