Jafnt hjá Manchesterliðunum og Kolbeinn spilaði - öll úrslit kvöldsins

Manchesterliðin gerðu bæði jafntefli í leikjum sínum í Meistaradeildinni í kvöld. Kolbeinn Sigþórsson þreytti einnig frumraun sína í keppninni með Ajax. Inter tapaði óvænt á heimavelli.

Sir Alex Ferguson, stjóri Man. Utd, gerði átta breytingar á liði sínu frá því í síðasta leik sem vakti að vonum mikla athygli. Anders Lindegaard þar á meðal kominn í markið.

Hann fékk á sig mark um miðjan hálfleikinn er Oscar Cardozo lék sér að Jonny Evans og skoraði. Áður en flautað var til leikhlés jafnaði Ryan Giggs metin með glæsilegu marki. Skot utan teigs sem hafnaði efst í markhorninu.

Ekki tókst leikmönnum liðanna að bæta við mörkum í síðari hálfleik og jafntefli því niðurstaðan.

Kolbeinn Sigþórsson var í fremstu víglínu hjá Ajax og lagði upp besta færi fyrri hálfleiks fyrir Sulejmani. Sending af kantinum sem hafnaði beint á kollinum á Sulejmani sem hefði átt að skora.

Sóknarleikur Ajax var dapur í leiknum og Kolbeinn fékk úr litlu að moða. Hann var síðan tekinn af velli tíu mínútum fyrir leikslok.

Man. City byrjaði ekki nógu vel í deildinni því liðið varð að sætta sig við jafntefli á heimavelli gegn Napoli. Kolarov kom City þar til bjargar.

Mikla athygli vakti síðan tap Inter á heimavelli gegn Trabzonspor.

Úrslit kvöldsins:

A-riðill:

Man. City-Napoli  1-1

0-1 Edinson Cavani (69.), 1-1 Aleksander Kolarov (73.)

Villarreal-Bayern Munchen  0-2

0-1 Toni Kroos (7.), 0-2 Rafinha (76.)

B-riðill:

Inter-Trabzonspor  0-1

0-1 Ondrej Celustka (76.)

Lille-CSKA Moskva  2-2

1-0 Moussa Sow (45.), 2-0 Benoit Pedretti (57.), 2-1 Seydou Doumbia (71.), 2-2 S. Doumbia (89.).

C-riðill:

Benfica-Man. Utd  1-1

1-0 Oscar Cardozo (24.), 1-1 Ryan Giggs (42.)

Basel-Otelul Galati  2-1

1-0 Fabian Frei (39.), 1-1 Marius Pena (58.), 2-1 Alexander Frei, víti (84.)

D-riðill:

Ajax-Lyon  0-0

Dinamo Zagreb-Real Madrid  0-1

0-1 Angel di Maria (53.)