Nutu ásta í stúkunni á leik Hoffenheim og Bayern

Þó svo að leik Hoffenheim og FC Bayern í þýsku úrvalsdeildinni hafi lokið með markalausu jafntefli náði þó einhver á leikvanginum að „skora“ í meðan leiknum stóð.

Þegar skammt var liðið af leiknum sást til pars í stúkunni þar sem þau nutu ásta innan um aðra áhorfendur.

„Mér fannst þetta eitthvað einkennilegt,“ sagði sjónarvottur í samtali við þýska blaðið Bild. „En svo virtist sem að öðrum í kringum þau væri alveg sama. En svo tóku öryggisverðir eftir þessu og sagði þeim að stoppa undir eins.“

Samkvæmt frétt blaðsins varð parið við beiðninni en tók svo upp þráðinn frá því sem frá var horfið í leikhlénu. Var þeim þá vísað á dyr.

Gylfi Þór Sigurðsson er á mála hjá Hoffenheim og spilaði umrædddan leik.