Sara Björk og Þóra sænskir meistarar

Landsliðskonurnar Sara Björk Gunnarsdóttir og Þóra B. Helgadóttir urðu í dag sænskir meistarar í knattspyrnu. Lið þeirra, LdB Malmö, vann þá öruggan 6-0 sigur á Örebro í lokaumferð sænsku úrvalsdeildarinnar.

Örebro, lið Eddu Garðarsdóttur og Ólínu G. Viðarsdóttur, hafnaði í fimmta sæti að þessu sinni.

Margrét Lára Viðarsdóttir skoraði þrennu fyrir Kristianstads í dag sem lagði Dalsjöfors, 5-1. Kristianstads hafnaði í sjöunda sæti deildarinnar. Með liðinu leika líka Erla Steina Arnardóttir, Sif Atladóttir og Guðný Björk Óðinsdóttir.

Annað Íslendingalið, Djurgarden, hafnaði í áttunda sæti en með því leika Katrín Jónsdóttir, Dóra María Lárusdóttir og Guðbjörg Gunnarsdóttir.