Rauðar tölur á öllum mörkuðum

Rauðar tölur voru á öllum mörkuðum í Bandarikjunum í gærkvöldi og Asíu í nótt.

Ástæðan var rakin til þess að vonir fjárfesta um farsæla lausn á skuldavanda evrusvæðisins fara hratt dvínandi þar sem leiðtogum Evrópusambandsins tókst ekki að ná samkomulagi um nauðsynlegar breytingar á sáttmála sambandsins.

Í Bandaríkjunum lækkaði Dow Jones vísitalan um 1,6% og Nasdag vísitalan um 2% í gærkvöldi. Í nótt lækkaði Nikkei vísitalan í Tókýó um 1,3% og Hang Seng vísitalan í Hong Kong lækkaði um 2%.