Vinsælast á Vísi árið 2011 - Íþróttir

2011 var viðburðaríkt og kenndi ýmissa grasa. Hér fylgir listi yfir fimm vinsælustu fréttir ársins 2011 úr Sportinu á Vísi.

Þar fyrir neðan eru tíu íþróttafréttir sem vöktu einnig mikla athygli á árinu.









1. Guðmundur kvartaði yfir dómurunum

JANÚAR: Eins og fólk tók eftir var Guðmundur Guðmundsson landsliðsþjálfari afar ósáttur við dómgæslu serbnesku dómaranna í leiknum gegn Þjóðverjum en þeir áttu afleitan dag.

Guðmundur átti fund í dag með yfirmanni dómaramála þar sem hann kom kvörtunum sínum á framfæri.

"Ég mun kvarta á mjög málefnalegan hátt og í ró. Við erum búnir að klippa saman tíu eða tólf atriði. Þar verður farið yfir málin og spurt hvers vegna við séum að upplifa hluti eins og við sáum í þessum leik."

2. María Lind kærir Köru til lögreglunnar

MARS: Lögreglan í Hafnarfirði hefur staðfest að leikmaður Hauka hafi lagt inn kæru vegna líkamsárásar sem átti sér stað í leik Hauka og KR.

Þar er verið að ræða um Haukastelpuna Maríu Lind Sigurðardóttur sem hefur kært KR-inginn Margréti Köru Sturludóttur fyrir höggið sem má sjá í myndbandinu hér.

María kom á lögreglustöðina í Hafnarfirði í gær og lagði inn kæru.

3. Ísland - Angóla

DESEMBER: Íslenska kvennalandsliðið náði sér aldrei á strik gegn Afríkumeistaraliði Angóla í öðrum leiknum á heimsmeistaramótinu í handknattlek í Brasilíu í kvöld.

Flest fór úrskeiðis hjá liðinu. Varnarleikurinn var slakur og leikmenn gerðu gríðarlega mörg mistök í sóknarleiknum. Angóla sigraði 28-24 og er með pálmann í höndunum um að komast í 16-liða úrslit en staða Íslands versnaði til muna því Angóla er með betri stöðu í innbyrðisviðureigninni.

Og það gæti reynst dýrkeypt þegar uppi er staðið.

4. Boltinn "klesstist" á höfðinu á Björgvini - frábær íþróttaljósmynd

JANÚAR: Það er ekki fyrir hvern sem er að standa í marki í handbolta og fá þrumuskot frá mótherjunum í sig. Björgvin Páll Gústavsson markvörður íslenska landsliðsins gerði sér lítið fyrir og varði vítakast frá Þjóðverjum Michael Kraus í gær með höfðinu og náði Valgarður Gíslason ljósmyndari að fanga augnablikið þar sem boltinn „klessist" á höfðinu á Björgvini.

Markvörðurinn virtist ekki finna fyrir skotinu. Myndin talar sínu máli og er ein af bestu ljósmyndum HM fram til þessa. Í meðfylgjandi myndasyrpu eru fleiri myndir sem Valgarður tók í leiknum gegn Þjóðverjum.

5. Guðjón Valur: Diddi var enn reiður eftir leik

JANÚAR: Guðjón Valur Sigurðsson var brosmildur eftir sigurinn á Austurríki í kvöld. Hann hefur gengið í gegnum margt með landsliðinu á 13 stórmótum en sigrar eins og í kvöld eru alltaf sætir.

"Það var stórkostlegt að sjá hvernig vörnin stóð í seinni hálfleik. Það var í rauninni allt annað lið sem stóð á vellinum í seinni hálfleik en í þeim fyrri," sagði Guðjón.

"Bjöggi var góður og það var frábært að fylgjast með Didda og Sverre. Diddi var enn í brjálæðiskasti þrem mínútum eftir að leik lauk. Þetta var ótrúlegt."





AÐRAR VINSÆLAR FRÉTTIR Á ÁRINU:

JANÚAR:

Ótrúleg boltaleikni hjá tólf ára gutta

FEBRÚAR:

Essien, hvað ertu að gera við Eið Smára?

Ronaldo grét er hann sagðist vera hættur

Misstir þú af markinu hans Wayne Rooney?

MARS:

Carragher beið fyrir utan klefa United til þess að biðja Nani afsökunar

APRÍL:

Stórkostlegur hrekkur hjá Þórsurum

JÚNÍ:

Ólafur rauk af blaðamannafundi

SEPTEMBER:

Fimmta stjarnan á KR-búninginn

OKTÓBER:

Lagerbäck ráðinn landsliðsþjálfari - Heimir aðstoðar