Götze verður ekki seldur í sumar

Þýska ungstirnið Mario Götze hjá Dortmund er afar eftirsótt þessa dagana og leikmaðurinn er sterklega orðaður við Man. Utd og Juventus.

Þó svo áhuginn virðist vera mikill hafa félögin ekki haft beint samband við umboðsmenn hans né Dortmund.

"Sögusagnirnar eru ekki sannar. Það er ekki búið að ræða við nein félög og hann verður áfram hjá Dortmund næsta vetur," sagði umboðsmaður leikmannsins.

Forráðamenn Dortmund segjast hafa tekið ákvörðun um að hafna öllum tilboðum í leikmanninn í sumar. Þeir ætla að halda honum í herbúðum Dortmund í það minnsta út næsta tímabil.