Goldman Sachs selur hlut í ICBC

Bandaríski fjárfestingabankinn Goldman Sachs hefur selt hlut sinn í kínverska bankanum ICBC fyrir um 2,3 milljarða dollara, eða sem nemur 294 milljörðum króna.

Temasek Holdings, félag í Singapore, keypti hlut Goldman Sachs í bankanum.

Þetta hefur vakið upp spurningar í bandarískum fjölmiðlum í dag, um hvort kínverska hagkerfið sé á barmi samdráttarskeiðs.

Breska ríkisútvarpið BBC hefur þó eftir Justin Harper, sérfræðingi hjá IG Markets, að bankageirinn í Kína sé um margt áhugaverður, ekki síst fyrir þær sakir að hagvöxtur í Kína sé mikill og hann sé ekki síst drifinn áfram vegna lánveitinga frá bönkum. Þar er kínverska ríkið langsamlega stærsti hluthafinn.