Handtöku Breiviks lýst

Norskir lögreglumenn báru vitni í máli Anders Behring Breivik í Osló í gær. Þeir lýstu því þegar fjöldamorðinginn var handsamaður í Útey, 22. júlí síðastliðinn, stuttu eftir að hann hafði myrt 69 manns.

Breivik, sem einnig ber ábyrgð á dauða átta manns í Osló, hefur viðkennt hlut sinn í ódæðunum. Hann þvertekur þó fyrir að hafa brotið lög.

Það var átakanleg stund í réttarsalnum í Osló þegar handtöku Breivik var lýst. Þá sagði aðstoðaryfirlögregluþjónninn Haavard Gaasbakk að aðkoman í Útey hefði verið hræðileg.

Hann greindi frá því að nokkur ungmenni hefðu forðað sér frá lögreglumönnunum en þau héldu að þeir væru vitorðsmenn Breiviks.

Breivik gafst upp um leið og lögreglumennirnir komu á vettvang. Gaasbakk sagði að Breivik hefði aðallega verið umhugað um skurð sem hann hafði fengið á vísifingur sinn. Þá hafði hann miklar áhyggjur af blóðskorti vegna skurðsins.

„Þá færð engann plástur frá mér," sagði Gaasbakk þá. „Horfðu í kringum þig — hér er látið og sært fólk."

Þá lýst Gaasbakk því þegar Breivik sagði: „Þið eruð ekki óvinir mínir. Við erum bræður. Ég verð að forða Noregi frá Íslam."

Á eftir Gaasbakk steig lögreglumaðurinn Oerjan Tombre í vitnastúku. Hann sagði að Breivik hefði klætt sig úr lögreglubúningnum sínum og stillt sér upp eins og kraftlyftingarmaður þegar lögreglumennirnir tóku myndir af honum.