Evrópumarkaðir opna með rauðum tölum

Markaðir í Evrópu opnuðu í morgun með rauðum tölum og fylgdu þar með í fótspor Asíumarkaða í nótt.

Dax vísitalan í Frankfurt hefur lækkað um 1,2% í morgun og er þar með komin undir 6.000 stiga markið og hefur ekki verið lægri síðan í janúar. Cac 40 vísitalan í París hefur lækkað um 0,6% og í kauphöllinni í Kaupmannahöfn lækkaði C20 vísitalan um 0,7%.

Kauphöllin í London er lokuð í dag vegna krýningarafmælis Elísabetar Bretadrottningar.

Spænska vísitalan lækkaði um rúmt prósent þrátt fyrir að tölur sem birtar voru í morgun sýni að atvinnuleysi fari minnkandi á Spáni.