Neyðaraðgerðir í Englandi vegna kreppunnar

Englendingar tilkynntu í gær að enskir bankar muni fá hjálp frá Seðlabanka landsins og Fjármálaráðuneytinu sem gæti numið allt að 80 milljörðum punda (rúmum 15.000 milljörðum króna).

Sir Mervyn King, seðlabankastjóri Englands, sagði að bankar landsins gætu fengið aðstoð við fjármögnun á afar hagstæðum kjörum ef þeir létu viðskiptavini sína njóta góðs af. Með þessu vilja Englendingar örva lánastarfsemi í einkageiranum og bregðast við „verstu kreppu Evrópu eftir síðari heimsstyrjöldina".

Osborne telur að ástandið í Evrópu muni versna áður en það skánar aftur og fullyrti að það væri kominn tími til að grípa til aðgerða.

Sem stendur er allt á suðupunkti í Evrópusambandinu. Til að mynda sagði utanríkisráðherra Spánar í gær að framtíð ESB myndi ráðast á allra næstu dögum, mögulega á næstu klukkutímum. Við sama tækifæri minnti Angela Merkel, kannslari Þýskalands á að styrkur Þjóðverja væri ekki óendanlegur.

Umfjöllun The Guardian um málið.