Erlent

Íslandsvinur segir skattadóm hafa eyðilagt feril sinn

Odd Nerdrum.
Odd Nerdrum.
Norski listmálarinn og Íslandsvinurinn fyrrverandi Odd Nerdrum segir að dómurinn sem hann fékk fyrir skattsvik í fyrra hafi eyðilagt feril hans. Nerdrum hefur ekki selt eitt einasta málverk frá því í ágúst í fyrra og kennir dóminum um.

Nerdrum ákvað að áfrýja dóminum og stendur sá málflutningur yfir í þessari viku. Í samtali við blaðið Verdens Gang segir Nerdrum að hann hafi borgað fullt af sköttum í Noregi, á Íslandi og í Frakklandi en listamaðurinn bjó um árabil í Reykjavík.

Hann hlaut tveggja ára óskilorðsbundinn fangelsisdóm í fyrra fyrir að hafa skotið 10,5 milljónum norskra kr. undan skatti á árunum 1998 til 2002.

Íslandsvinir

Tengdar fréttir

Skuldar 44 milljónir á Íslandi

Norski listmálarinn Odd Nerdrum skuldar um 44 milljónir króna í opinber gjöld hér á landi, en hann hefur verið ákærður fyrir stórfelld skattsvik í Noregi.

Málari í fangelsi fyrir skattsvik

Norski listmálarinn Odd Nerdrum var í dag dæmdur í tveggja ára fangelsi fyrir gróf skattsvik. Hann er sakfelldur fyrir að selja málverk að andvirði nær 300 milljóna íslenskra króna án þess að gefa það upp til skatts á tímabilinu 1998-2002. Hann var og dæmdur til að greiða 10.000 norskar krónur, sem samsvarar um 210.000 isk, í sekt.

Odd Nerdrum í tæplega þriggja ára fangelsi

Norski listamaðurinn Odd Nerdrum var í morgun dæmdur í tveggja árs og tíu mánaða fangelsi fyrir skattsvik. Hann mun einnig þurfa að greiða 35 þúsund norskar krónur, eða sem samsvarar um 700 þúsund íslenskum, í sakarkostnað. Nerdrum fékk jafnvirði 275 milljóna íslenskra króna vegna sölu á myndum í New York á árunum 1998-2002. Hann átti að greiða helminginn í skatt en gerði það ekki. Nerdrum hefur alltaf neitað sök, en engu að síður hafa dómar á tveimur dómsstigum fundið hann sekan.

Mest lesið


Fleiri fréttir

Sjá meira


×

Mest lesið