Eyjólfur skoraði í jafntefli gegn Ragnari og Sölva

Eyjólfur Héðinsson var á skotskónum í 1-1 jafntefli SönderjyskE og FC Kaupmannahafnar í 2. umferð dönsku úrvalsdeildarinnar í knattspyrnu í dag.

Eyjólfur kom heimamönnum yfir á 25. mínútu en forystan var skammvinn. Mos, norskur framherji gestanna, jafnaði metin á 31. mínútu og fleiri mörk voru ekki skoruð.

Ragnar Sigurðsson og Sölvi Geir Ottesen spiluðu allan daginn í hjarta varnarinnar hjá Kaupmannahafnarliðinu. Þeir fengu báðir gult spjald í leiknum.

Bæði lið hafa fjögur stig á toppi dönsku deildarinnar.

Rúrik Gíslason spilaði allan leikinn með OB sem tapaði heima 0-1 gegn Randers. OB hefur þrjú stig að loknum tveimur umferðum.