Bandaríkin vilja efla viðskiptatengsl við Suður-Afríku

Utanríkisráðherra Bandaríkjanna lýst í gær yfir vilja til að auka viðskiptatengsl við Suður-Afríku.

Hillary Clinton, utanríkisráðherra, ávarpaði fjármálamenn í Suður-Afríku í gær. Hagkerfi Suður-Afríku og fleiri afríkuríkja hafa verið í miklum vexti síðustu ár, þrátt fyrir fjármálakreppuna.

Clinton benti á að meðan hagkerfið á heimsvísu ætti í miklum erfiðleikum þá væru sjö af þeim tíu löndum sem eru mestum vexti í Afríku.

Hún sagði að næstu ár væru afar þýðingarmikil fyrir Suður-Afríku. Aukin hagvöxtur í samfélaginu myndi leiða til aukinna fjárfestinga í uppbyggingu þjóðfélagsins.

Ljóst væri að í kjölfar þessa framkvæmda myndi aukið rými myndast fyrir samstarf Bandaríkjanna og Suður-Afríku.

Velta viðskipta Bandaríkjanna og Suður-Afríku nemur 22 milljörðum króna á ársgrundvelli.

Áður en hún ræddi við fjármálamennina snæddi hún hádegisverð með Nelson Mandela, fyrrverandi forseta Suður-Afríku. Heilsu Mandela hefur hrakað verulega á síðustu mánuðum en hann hefur hægt og rólega dregið sig úr sviðsljósinu í Suður-Afríku.