Eiffel turninn er verðmætasta mannvirki Evrópu

Mannvirki sem trekkja að ferðamenn geta verið fjárhagslega mikils virði sem slík. Ítalskir talnaspekúlantar tóku sig til á dögunum og reiknuðu út fjárhagslegt virði nokkurra helstu mannvirkja heims. Þar trónir Eiffel turninn á toppnum, en turninn er 67 billjóna króna virði miðað við frétt Túrista.is.

Eiffel turninn er raunar langverðmætastur miðað við umrædda könnun, því næst verðmætasta byggingin er Colosseum hringleikahúsið í Róm sem metið er á 13 billjónir króna. Dómkirkjan í Barcelóna er álíka verðmæt.

Hér er listi yfir sjö verðmætustu mannvirki Evrópu:

1. Eiffel turninn í París

2. Colosseum í Róm

3. Sagrada familia í Barcelona

4. Duomo kirkjan í Mílanó

5. Lundúnaturn (Tower of London)

6. Prado safnið í Madríd

7. Stonehenge í Bretlandi