Klitschko vann Wach | Sly í salnum

Wladimir Klitschko varði fjóra heimsmeistaratitla í þungavigt þegar hann bar sigurorð af Maruisz Wach í Þýskalandi í gær.

Klitschko vann á stigum en fékk þó þungt högg í fimmtu lotu. Yfirburðir Úkraínumannsins voru þó nokkrir og vann hann örugglega á stigum.

Þetta var hans fyrsti bardagi eftir andlát þjálfara hans, Manny Steward.

Klitschko hefur ekki tapað bardaga síðan 2004 og er handhafi IBF-, IBO-, WBO- og WBA-heimsmeistaratitlanna.

Meðal áhorfenda í salnum var bandaríski leikarinn Sylvester Stallone, sem lék hnefaleikakappann Rocky í samnefndum kvikmyndum á sínum tíma.