Bílasafn Saab selt í útboði

Á föstudag rennur út frestur til að skila inn tilboðum til þrotabús Saab-bílaverksmiðjunnar í Trollhättan í Svíþjóð vegna sölu á bílasafni Saab. Á vef Félags íslenskra bifreiðaeigenda (FÍB) segir að þá komi í ljós hvaða verð fáist fyrir bílana 123 og sömuleiðis hvort safnið verði „selt í heilu lagi eða bílarnir dreifist út um tvist og bast".

Verðmætasti bíllinn í safninu er sagður vera „frum-Saabinn" frá árinu 1946, en allir munu þeir vera sérstakir á einhvern hátt. „Bílarnir eru annars af flestöllum þeim gerðum sem framleiddir voru frá upphafi til endalokanna," segir á vef FÍB. - óká