Ari Freyr á leið til OB

Landsliðsmaðurinn Ari Freyr Skúlason er á leið í raðir danska félagsins OB Odense.

Sænski miðillinn SportExpressen greinir frá þessu og hefur eftir heimildum sínum að Ari Freyr hafi þegar samið við danska félagið.

Ari Freyr hefur viljað yfirgefa Sundsvall í lengri tíma en samningur hans við sænska félagið rennur út um áramót. Samningur Ara Freys við OB tekur gildi 1. janúar en miðjumaðurinn vonast eftir því að vera keyptur til danska liðsins í sumar.

Verði Ari Freyr ekki seldur fer hann á frjálsri sölu til OB um áramótin. Auk Ara Freys leikur Jón Guðni Fjóluson með Sundsvall.