Matthías heldur áfram að skora fyrir Start

Fjórir Íslendingar byrjuðu viðureign Start og Sarpsborg 08 í norsku úrvalsdeildinni í fótbolta í dag. Liðin skildu jöfn 1-1. Matthías Vilhjálmsson skoraði mark Start.

Matthías kom Start yfir á fyrstu mínútu seinni hálfleiks. Start hafði fyrir leikinn í dag unnið fjóra leiki í röð í deildinni en Steffen Ernemann kom í veg fyrir þann fimmta þegar hann jafnaði metinn á 60. mínútu.

Guðmundur Kristjánsson og Matthías léku allan leikinn fyrir Start sem hefur nú leikið sex leiki án taps og er komið í níunda sæti deildarinnar með 32 stig.

Þórarinn Ingi Valdimarsson lék allan leikinn og Guðmundur Þórarinsson lék fyrstu 86 mínúturnar fyrir Sarpsborg 08 sem er enn á botninum, nú með 24 stig. Liðið er einu stigi frá umspilssætinu sem Tromsö situr í.