Rúrik lék lokamínúturnar fyrir FCK

Brondby IF og FC Kaupmannahöfn gerðu 1-1 jafntefli í dönsku úrvalsdeildinni í dag. Jose Ariel Nunez kom Brondby yfir á 73. mínútu, en Thomas Delaney jafnaði metin á lokamínútu leiksins. RúrikGíslason kom inn á sem varamaður hjá FCK þegar 14 mínútur voru eftir af leiknum.

Þá lék EyjólfurHéðinsson síðustu sex mínúturnar þegar FC Midtjylland lagði FC Vestsjælland á heimavelli með þremur mörkum gegn einu. Jakob Poulsen, Duncan og Marco Tejmer Larsen skoruðu mörk Midtjylland, en Rasmus Festersen skoraði eina mark Vestsjælland úr vítaspyrnu.

Midtjylland og AaB Álaborg eru nú bæði með 55 stig á toppi deildarinnar, en Midtjylland situr í 1. sæti vegna hagstæðari markatölu. FCK kemur síðan í þriðja sæti með 47 stig.