Nordsjælland á sigurbraut á ný

Nordsjælland sem leikur undir stjórn Ólafs Kristjánssonar lagði Silkeborg 2-1 á útivelli í sjöundu umferð dönsku úrvalsdeildarinnar í dag.

Silkeborg fékk óskabyrjun þegar liðið skoraði strax á fjórðu mínútu og var botnlið deildarinnar 1-0 yfir í hálfleik.

Nordsjælland hafði leikið tvo leiki í röð án sigurs eftir tveggja leikja sigurgöngu og var liðið staðráðið í að komast á sigurbraut á ný.

Jöfnunarmarkið kom á þriðju mínútu seinni hálfleiks og sigurmarkið fjórum mínútum fyrir leikslok.

Nordsjælland lyfti sér upp í þriðja sæti deildarinnar með 13 stig í 7 leikjum en Silkeborg situr sem fyrr á botni deildarinnar.

Rúnar Alex Rúnarsson sat allan leikinn í varamannabekk Nordsjælland.