Viðar Örn á fimmtánda vinsælasta lagið í Noregi

Viðar Örn Kjartansson er í fimmtánda sæti á norska iTunes-listanum með lag sitt, My Sacrifice, sem hljómsveitin Creed flutti upphaflega.

Vålerenga hefur átt í fjárhagserfiðleikum og var lagið gefið út til styrktar félaginu. Það kostar tólf norskar krónur og rennur peningurinn óskertur til Vålerenga.

Nútíminn greinir frá þessu í dag en á heimasíðu félagsins segir Viðar Örn frá laginu og sönghæfileikum sínum.

Viðar Örn er markahæsti leikmaður norsku úrvalsdeildarinnar með 25 mörk í 28 leikjum til þessa en ein umferð er eftir af tímabilinu.