Umfjöllun: Strákarnir felldir í Tékklandi Kristinn Páll Teitsson í Plzen skrifar 16. nóvember 2014 14:12 Kolbeinn Sigþórsson og Emil Hallfreðsson svekktir í leikslok. Vísir/Daníel Íslenska liðinu var kippt niður á jörðina á ný eftir frábæra byrjun í undankeppni Evrópumótsins í 1-2 tapi gegn Tékklandi í Plzen í kvöld. Þrátt fyrir sannkallaða draumabyrjun þegar Ragnar Sigurðsson kom Íslandi yfir voru Tékkarnir einfaldlega sterkari í dag og áttu sigurinn skilið. Spennan fyrir leiknum var gríðarleg, tæplega sjö hundruð Íslendingar voru mættir til Plzen til fylgjast með leiknum og létu þeir vel í sér heyra á meðan leiknum stóð. Greinilegt var að tékkneska liðið ætlaði ekki að vanmeta íslenska liðið og náðu þeir undirtökunum í upphafi leiks. Reyndu þeir ítrekað að sækja upp vinstri kantinn og lentu leikmenn íslenska liðsins í erfiðleikum að stöðva fyrirliða tékkneska liðsins, Tomas Rosicky. Sjá einnig: Mörkin úr leiknum Tékkland fékk fyrsta færi leiksins þegar framherji liðsins, David Lafata, fékk gott skallafæri í miðjum vítateig íslenska liðsins en Hannes Þór Halldórsson í marki íslenska liðsins var vel á verði og varði. Þetta virtist vekja íslenska liðið en aðeins einni mínútu síðar náði íslenska liðið forystunni. Aron Einar Gunnarsson átti þá langt innkast sem Kolbeinn Sigþórsson skallaði yfir Petr Cech og náði Birkir Bjarnason á síðustu stundu að skalla boltann aftur inn í markteig áður en boltinn fór útaf vellinum. Þar var Ragnar einn á auðum sjó og skallaði hann boltann í autt netið. Glæsilegt mark og gríðarlega mikilvægt, staðan eitt núll fyrir Íslandi og íslensku stuðningsmennirnir tóku heldur betur við sér. Tékknesku leikmennirnir héldu áfram að stýra leiknum og fengu góð færi til að jafna metin á næstu mínútum en Hannes stóð vakt sína gríðarlega vel í markinu og bjargaði liðsfélögum sínum á ögurstundu. Kolbeinn var nálægt því að bæta við marki rétt fyrir lok fyrri hálfleiks en varnarmenn tékkneska landsliðsins náðu að komast fyrir skot hans á síðustu stundu. Þegar allt virtist stefna í að Ísland færi með eins marks forskot inn í hálfleik kom jöfnunarmark Tékka með síðustu spyrnu fyrri hálfleiks. Úr aukaspyrnu kom fyrirgjöf á fjærstöng sem Daniel Pudil sendi aftur inn í markteig og þar var Pavel Kadarábek galopinn og skallaði boltann í þaknetið. Gríðarlega svekkjandi mark en Wolfgang Stark, dómari leiksins, flautaði til hálfleiks á meðan fagnaðarlætum Tékka stóð. Heimamenn héldu áfram að pressa og náðu forskotinu þegar korter var liðið af seinni hálfleik eftir mikla pressu. Jaroslav Pasil átti þá slaka fyrirgjöf sem hrökk af Jóni Daða Böðvarssyni í Hannes Þór og í netið. Gríðarlega svekkjandi mark en verðskuldað eftir þunga pressu tékkneska liðsins. Þetta virtist vekja strákana til lífsins en aðeins þremur mínútum seinna var Gylfi Þór Sigurðsson hársbreidd frá því að jafna metin. Boltinn datt fyrir Gylfa í vítateig tékkneska liðsins og reyndi hann lúmskt skot sem small í stönginni. Tékkneska liðið var nálægt því að gera út um leikinn á sjötugustu mínútu þegar Kári Árnason bjargaði á línu eftir skalla frá Michal Kadlec. Hannes Þór missti fyrirgjöf fyrir fætur Kadlec en Kári var vel staðsettur og náði að bjarga á síðustu stundu. Íslenska liðið færði sig framar á völlinn eftir markið og fékk varamaðurinn Jóhann Berg Guðmundsson besta færi Íslands þegar boltinn datt fyrir hann í vítateig Tékklands en Cech sá við honum með heimsklassa markvörslu. Íslensku leikmennirnir reyndu hvað þeir gátu á lokamínútum leiksins að minnka muninn en tékkneska liðið spilaði sterkan varnarleik og náði að halda út og tryggja sigurinn. Tékkland er með fullt hús stiga í A-riðlinum eftir leikinn en Ísland situr í 2. sæti með níu stig eftir fjóra leiki. EM 2016 í Frakklandi Fótbolti Mest lesið Rúnar þakkar fyrir stuðning eftir mikið sjokk Fótbolti Tuchel með fast skot á stuðningsmenn: „Það var algjör þögn á leikvangnum“ Fótbolti Fram gæti orðið stórveldi í íslenskri kvennaknattspyrnu innan örfárra ára Íslenski boltinn Leyfðum okkur hluti sem að við höfum ekki verið að gera Handbolti „Mjög stoltur af liðinu“ Körfubolti Háspenna þegar Selfoss fékk sín fyrstu stig Handbolti „Dregur aðeins af þeim en við getum gefið meira í“ Körfubolti Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Körfubolti „Ætla rétt að vona að þeir láti hann borga það bara úr sínum eigin vasa“ Körfubolti Höjlund sjóðheitur og Danir færðust nær HM Fótbolti Fleiri fréttir Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Fram gæti orðið stórveldi í íslenskri kvennaknattspyrnu innan örfárra ára Höjlund sjóðheitur og Danir færðust nær HM Alsír tuttugasta þjóðin inn á HM Uppgjörið: Þór/KA - Fram 1-1 | Ósáttir Akureyringar enduðu ofar Grétar Rafn gæti gert Gerrard að stjóra Rangers Barcelona spilar í Miami: „Ég er ekki hrifinn af þessu“ „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Sjá meira
Íslenska liðinu var kippt niður á jörðina á ný eftir frábæra byrjun í undankeppni Evrópumótsins í 1-2 tapi gegn Tékklandi í Plzen í kvöld. Þrátt fyrir sannkallaða draumabyrjun þegar Ragnar Sigurðsson kom Íslandi yfir voru Tékkarnir einfaldlega sterkari í dag og áttu sigurinn skilið. Spennan fyrir leiknum var gríðarleg, tæplega sjö hundruð Íslendingar voru mættir til Plzen til fylgjast með leiknum og létu þeir vel í sér heyra á meðan leiknum stóð. Greinilegt var að tékkneska liðið ætlaði ekki að vanmeta íslenska liðið og náðu þeir undirtökunum í upphafi leiks. Reyndu þeir ítrekað að sækja upp vinstri kantinn og lentu leikmenn íslenska liðsins í erfiðleikum að stöðva fyrirliða tékkneska liðsins, Tomas Rosicky. Sjá einnig: Mörkin úr leiknum Tékkland fékk fyrsta færi leiksins þegar framherji liðsins, David Lafata, fékk gott skallafæri í miðjum vítateig íslenska liðsins en Hannes Þór Halldórsson í marki íslenska liðsins var vel á verði og varði. Þetta virtist vekja íslenska liðið en aðeins einni mínútu síðar náði íslenska liðið forystunni. Aron Einar Gunnarsson átti þá langt innkast sem Kolbeinn Sigþórsson skallaði yfir Petr Cech og náði Birkir Bjarnason á síðustu stundu að skalla boltann aftur inn í markteig áður en boltinn fór útaf vellinum. Þar var Ragnar einn á auðum sjó og skallaði hann boltann í autt netið. Glæsilegt mark og gríðarlega mikilvægt, staðan eitt núll fyrir Íslandi og íslensku stuðningsmennirnir tóku heldur betur við sér. Tékknesku leikmennirnir héldu áfram að stýra leiknum og fengu góð færi til að jafna metin á næstu mínútum en Hannes stóð vakt sína gríðarlega vel í markinu og bjargaði liðsfélögum sínum á ögurstundu. Kolbeinn var nálægt því að bæta við marki rétt fyrir lok fyrri hálfleiks en varnarmenn tékkneska landsliðsins náðu að komast fyrir skot hans á síðustu stundu. Þegar allt virtist stefna í að Ísland færi með eins marks forskot inn í hálfleik kom jöfnunarmark Tékka með síðustu spyrnu fyrri hálfleiks. Úr aukaspyrnu kom fyrirgjöf á fjærstöng sem Daniel Pudil sendi aftur inn í markteig og þar var Pavel Kadarábek galopinn og skallaði boltann í þaknetið. Gríðarlega svekkjandi mark en Wolfgang Stark, dómari leiksins, flautaði til hálfleiks á meðan fagnaðarlætum Tékka stóð. Heimamenn héldu áfram að pressa og náðu forskotinu þegar korter var liðið af seinni hálfleik eftir mikla pressu. Jaroslav Pasil átti þá slaka fyrirgjöf sem hrökk af Jóni Daða Böðvarssyni í Hannes Þór og í netið. Gríðarlega svekkjandi mark en verðskuldað eftir þunga pressu tékkneska liðsins. Þetta virtist vekja strákana til lífsins en aðeins þremur mínútum seinna var Gylfi Þór Sigurðsson hársbreidd frá því að jafna metin. Boltinn datt fyrir Gylfa í vítateig tékkneska liðsins og reyndi hann lúmskt skot sem small í stönginni. Tékkneska liðið var nálægt því að gera út um leikinn á sjötugustu mínútu þegar Kári Árnason bjargaði á línu eftir skalla frá Michal Kadlec. Hannes Þór missti fyrirgjöf fyrir fætur Kadlec en Kári var vel staðsettur og náði að bjarga á síðustu stundu. Íslenska liðið færði sig framar á völlinn eftir markið og fékk varamaðurinn Jóhann Berg Guðmundsson besta færi Íslands þegar boltinn datt fyrir hann í vítateig Tékklands en Cech sá við honum með heimsklassa markvörslu. Íslensku leikmennirnir reyndu hvað þeir gátu á lokamínútum leiksins að minnka muninn en tékkneska liðið spilaði sterkan varnarleik og náði að halda út og tryggja sigurinn. Tékkland er með fullt hús stiga í A-riðlinum eftir leikinn en Ísland situr í 2. sæti með níu stig eftir fjóra leiki.
EM 2016 í Frakklandi Fótbolti Mest lesið Rúnar þakkar fyrir stuðning eftir mikið sjokk Fótbolti Tuchel með fast skot á stuðningsmenn: „Það var algjör þögn á leikvangnum“ Fótbolti Fram gæti orðið stórveldi í íslenskri kvennaknattspyrnu innan örfárra ára Íslenski boltinn Leyfðum okkur hluti sem að við höfum ekki verið að gera Handbolti „Mjög stoltur af liðinu“ Körfubolti Háspenna þegar Selfoss fékk sín fyrstu stig Handbolti „Dregur aðeins af þeim en við getum gefið meira í“ Körfubolti Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Körfubolti „Ætla rétt að vona að þeir láti hann borga það bara úr sínum eigin vasa“ Körfubolti Höjlund sjóðheitur og Danir færðust nær HM Fótbolti Fleiri fréttir Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Fram gæti orðið stórveldi í íslenskri kvennaknattspyrnu innan örfárra ára Höjlund sjóðheitur og Danir færðust nær HM Alsír tuttugasta þjóðin inn á HM Uppgjörið: Þór/KA - Fram 1-1 | Ósáttir Akureyringar enduðu ofar Grétar Rafn gæti gert Gerrard að stjóra Rangers Barcelona spilar í Miami: „Ég er ekki hrifinn af þessu“ „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Sjá meira
Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Körfubolti
Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Körfubolti